Оваа висококвалитетна гумена спатула е незаменлив алат за секој професионален третман кој вклучува нанесување на маски во вид на гел или паста, а може да се користи и за нанесување наски во домашната нега на лицето. Дизајнирана е за лесно и хигиенско мешање на различни видови маски (алгинатни, глинени или кремасти) и нивно прецизно нанесување на лицето и вратот.
Благодарение на мекиот и флексибилен материјал, спатулата совршено се прилагодува на контурите на лицето, овозможувајќи рамномерен слој без трошење на производот. Не ја иритира кожата и е многу полесна за чистење од обичните четки, што ја прави похигиенска опција за долготрајна употреба.
Придобивки:
Овозможува хигиенско нанесување. Спречува директен контакт на прстите со производот и кожата.
Лесно се чисти. Остатоците од маската едноставно се плакнат со вода.
Предност е и економичноста. Овозможува максимално искористување на маската без непотребно оставање на вишок во садот.
Изработена од издржлив материјал, флексибилна гума која не ја менува формата.
Начин на употреба: Користете ја спатулата за да ја измешате маската додека не добиете хомогена смеса. Со рамниот дел од спатулата, нанесете ја маската на лицето со движења од центарот кон надвор. По употреба, веднаш измијте ја со млака вода и сапун.
AGE-R Booster Pro Mini од Medicube е мало beauty чудо кое го освои светот!
Ова преносливо уредче е твојот најдобар сојузник за блескава и здрава кожа каде и да си. Флеките од акни ќе бидат видливо намалеи, а сјајот зголемен уште по првата употреба.
Со својата компактна големина лесно собира во чанта, а резултатите се видливи уште од првата употреба.
Ја подобрува апсорпцијата на твојата омилена skincare рутина и го засилува сјајот одвнатре. Дава нежна нега дури и по користење на spot patch и е соодветен за сите типови кожа, вклучително и проблематична кожа.
Клинички тестирано, ја зголемува апсорпцијата на козметичките производи дури за 562%.
Секојдневната рутина никогаш не била полесна и поефикасна. Мини уред, за максимален ефект!
FAU Shiny Pumpkin Vegan Jelly-Pad се вегански хидрогел лепенки за интензивна нега и смирување на кожата.
Овие мултифункционални хидрогелни лепенки, збогатени со екстракт од млада тиква со потекло од кореја и и екстракт од тиква ферментиран со лактобацилус, обезбедуваат длабинска нега и зајакнување на кожата. Со својата лесна, хидрогел текстура, веднаш се прилепуваат на кожата, создавајќи ефект на освежување и ладење.
Совршено се прилагодуваат за осетливите зони околу очите, усните и челото, но и за поголеми површини како образите и вратот. Благодарение на 100% растворливата формула, тие постепено ја ослободуваат својата хранлива есенција, оставајќи ја кожата еластична, мазна и ревитализирана.
Главни придобивки:
Интензивна хидратација и освежувачко ладење
Брзо смирување и намалување на иритациите
Совршена адхезија без лепливост
Сертифициран вегански производ, без тестирање на животни
Погодни за употреба на повеќе делови од лицето и вратот
Клучни состојки:
Екстракт од тиква – богат со витамини и антиоксиданти за интензивна нега
Фермент од тиква со лактобацилус – ја зајакнува бариерата на кожата и ја одржува хидратацијата
Карагенан – природен згуснувач добиен од морска трева кој обезбедува удобна желе текстура и помага за подолготрајно дејство.
Аскорбинска киселина (витамин Ц) – ја осветлува кожата и го подобрува нејзиниот изглед
Како да се користи:
Со помош на шпатула, поставете ги поголемите облоги околу очите, а помалите на местата кои имаат потреба од посебна нега, како што се пределот околу усните или челото. Оставете ги да делуваат 20-30 минути, а потоа нежно тапкајте за да се апсорбира преостанатата есенција.
Со Shiny Pumpkin Vegan Jelly-Pad, вашата кожа ќе биде видливо смирена, хидрирана и свежа со само еден третман!
FAU Premium Shiny Pumpkin Modeling Mask е моделирачка маска за професионална употеба за длабинска нега и обновување на кожата.
Оваа премиум моделирачка маска е совршена за интензивна хидратација и длабинско потхранување на кожата. Оваа маска е с поголема концентрација и дава поголем ефект од сличните маски за домашна употреба. Содржи екстракт од тиква, богат со витамини А, Б, Ц, Е, К и минерали, кои ѝ помагаат на кожата да се обнови и да го врати здравиот, воедначен изглед. Идеална е за кожа што е дехидрирана, има нерамна текстура или ѝ е потребна дополнителна нега по пилинг или специјални третмани.
Моделирачката маска доаѓа во прав и се меша со вода. Се нанесува со моделирање на лицето и се остава 10-15 минути. Притоа се суши и добива текстура во вид на гума, која се должи на реакција на природните состојки. Потоа лесно се отстранува. Дава забележителна разлика во свежината на кожата и по само една употреба, а хидратацијата трае и наредниот ден.
Благодарение на својот уникатен состав, оваа маска:
Го подобрува тонот на кожата и ја прави мазна и сјајна
Ја хидрира длабински и помага во задржување на влагата
Го намалува заморот на кожата, ја ревитализира и помага во нејзина детоксификација
Ја зајакнува кожната бариера и обезбедува свеж, здрав изглед
Клучни состојки:
Прав од тиква – природен извор на витамини и антиоксиданси за подобрување на текстурата и изгледот на кожата
Малтодекстрин – ја хидрира кожата и ја прави мека
Дијатомејска земја – природен минерал што помага во апсорпција на себумот и нечистотиите
Глукоза – ја задржува влагата и го подобрува сјајот
Колаген – го подобрува тонусот и еластичноста на кожата
Алантоин – смирувачка состојка што ја намалува иритацијата
Како да се користи:
Измешајте ја маската во птрав со вода во сооднос 1:1 и мешајте 1-2 минути додека не добиете мазна смеса. Нанесете рамномерно на посакуваната област и оставете да делува 10-15 минути, додека не се стврдне. Потоа внимателно отстранете ја маската.
Со FAU Premium Shiny Pumpkin Modeling Mask, вашата кожа ќе биде хидрирана, измазнета и видливо освежена!
