SKIN1004 Madagascar Centella Hyalu-Cica Blue Serum 30ml

SKIN1004 Madagascar Centella Hyalu-Cica Blue Serum е лесен хидратантен серум за нтензивна хидратација и смирување на кожата.

Има лесна гел текстура и е дизајниран за длабинска нега на сува, дехидрирана и чувствителна кожа. Овој корејски серум комбинира два клучни елементи азиска центела од Мадагаскар за смирување и хијалуронска киселина за интензивна хидратација (по што целата линија е наречена Hyalu-Cica). Серумот има пријатна светло сина нијанса која потекнува од природниот екстракт од гарденија, а неговата нелеплива текстура на водена база моментално ја освежува кожата и обезбедува долготрајна хидратација.

Мадагаскарската Centella asiatica се разликува од другите видови Centella поради уникатната средина во која расте. Климата и почвата на Мадагаскар придонесуваат таа да има многу поголема концентрација на активни состојки во споредба со останатите видови на Centella asiatica, што ја прави поефикасна во смирувањето на кожата и намалувањето на воспаленијата.

Формулата е моќна all-in-one комбинација, збогатена со 5 типа на хијалуронска киселина за задржување на влагата на различни слоеви на кожата, Ceramide NP во форма на наночестички за зајакнување на кожната бариера и ниацинамид и аденозин за осветлување и анти-ејџ ефект. Дополнително, екстрактот од бршлен (Hedera Helix) ја оживува уморната кожа правејќи ја да изгледа здраво и сјајно. Хијалуронската киселина е застапена во серумот во пет различни молекуларни тежини, што обезбедува повеќеслојна и подлабока хидратација на кожата. Оваа иновативна комбинација им овозможува на молекулите да делуваат на сите нивоа, од површината до длабоките слоеви на дермисот. Поголемите молекули формираат хидратантна бариера на површината, спречувајќи го губењето на влажност, додека помалите, ниско-молекуларни форми (како Hydrolyzed Hyaluronic Acid и Hydrolyzed Sodium Hyaluronate) продираат во подлабоките слоеви за да ја пополнат и хидрираат кожата одвнатре. Со тоа се постигнува долготрајна влажност, кожата е визуелно пополна, поеластична и заштитена од дехидратација.

Овој SKIN1004 Hyalu-Cica серум е наменет за нормална, комбинирана, сува и особено чувствителна кожа која има проблеми со дехидратација, губење на еластичност и нарушен баланс. Тој е совршен избор за секој што бара лесен серум кој истовремено ја храни, смирува, хидрира и ја зацврстува кожата.

Клучни придобивки:

• Обезбедува интензивна и долготрајна хидратација со 5 типа на хијалуронска киселина.
• Ја смирува чувствителната кожа со екстрактот од азиска центела.
• Го зајакнува заштитниот слој (бариерата) благодарение на церамидите (Ceramide NP).
• Има ефект на осветлување и давање на свежина на тенот.
• Ја подобрува еластичноста и има благ анти-ејџ ефект.

Клучни состојки:

• Centella Asiatica Leaf Water (389,929 ppm) е хидролат од центела од Мадагаскар кој е главна база на серумот, наместо обична вода, кој обезбедува смирување и регенерација на кожата.
• Петте типа на хијалуронска киселина (вкупно 15,873 ppm) е комплекс од хијалуронски киселини со различна молекуларна тежина, вклучувајќи хидролизирана хијалуронска киселина и хидролизиран натриум хијалуронат, за длабока и повеќеслојна хидратација.
• Ceramide NP е церамид кој се апсорбира како наночестички, ја зајакнува кожната бариера, обезбедува еластичност и ја задржува влагата.
• Ниацинамидот и аденозинот се функционални состојки кои делуваат во синергија за осветлување на тенот, намалување на брчките и подобрување на еластичноста.
• Hedera Helix Extract е екстракт од бршлен кој ја енергизира и ревитализира уморната кожа.

Начин на употреба: Користете го дневно, наутро и навечер. Нанесете соодветна количина од серумот на дланка и нежно нанесете го на исчистената кожа на лицето и вратот во насока на текстурата на кожата. Нежно тапкајте додека не се апсорбира целосно.