Производи тип “Чистење на лице” (Page 5)

SKIN1004 Madagascar Centella Ampoule Foam пенлив чистач за нежно чистење на кожата со балансирана pH вредност.

Тоа е богат, пенаст чистач за лице со идеална ниска pH вредност од 5.0, формулиран да ги отстрани нечистотиите, шминката и до 92.69% од фината прашина, без да предизвика иритација или чувство на затегнатост. Овој корејски чистач користи сурфактанти добиени од кокос, кои обезбедуваат напредно чистење, додека ја одржуваат природната влажност и бариера на кожата.

Она што го прави уникатен е неговата формула збогатена со 30% екстракт од чиста азиска центела од Мадагаскар, која активно ја смирува кожата и го враќа нејзиниот баланс. Дополнително, ултра-фината сода бикарбона помага нежно да се отстрани вишокот себум и насобраните остатоци, додека лимонската киселина (овошна АХА) овозможува блага ексфолијација на мртвите клетки за подобрување на текстурата на кожата. Оваа кремаста паста се трансформира во богата, нежна пена која остава кожата да се чувствува мека, хидрирана и освежена.

Мадагаскарската Centella asiatica се разликува од другите видови Centella поради уникатната средина во која расте. Климата и почвата на Мадагаскар придонесуваат таа да има многу поголема концентрација на активни состојки во споредба со останатите видови на Centella asiatica, што ја прави поефикасна во смирувањето на кожата и намалувањето на воспаленијата.

Наменет е за сите типови кожа, а особено е идеален за чувствителна кожа и кожа склона кон иритации, која има потреба од ефикасно чистење без нарушување на нејзиниот природен pH баланс. Тој е совршен избор за секој што бара секојдневен чистач кој комбинира моќно отстранување на нечистотии со интензивни смирувачки и хидратантни придобивки.

Клучни придобивки:

• Обезбедува ефикасно чистење, отстранувајќи до 92.69% од фината прашина.
• Има идеална ниска pH вредност (5.0) која ја одржува бариерата на кожата.
• Смирувачко и регенерирачко дејство благодарение на Centella Asiatica.
• Нежно ексфолира со лимонска киселина за подобрување на текстурата.
• Хидрира и не предизвикува чувство на затегнатост или сувост.

Клучни состојки:

• Екстрактот од чиста азиска центела од Мадагаскар ја регенерира, смирува и балансира кожата, ја забрзува синтезата на колаген и има силно антиинфламаторно дејство.
• Лимонската киселина е овошна алфа-хидроксилна киселина (AHA) која помага нежно да се ексфолираат површинските мртви клетки на кожата и да се подобри нејзината текстура.
• Sodium Hyaluronate е ниско-молекуларна форма на хијалуронска киселина која ја привлекува и ја задржува влагата, поддржувајќи ја еластичноста на кожата.
• Сурфактантите добиени од кокос се нежни средства за чистење кои ефикасно ги отстрануваат нечистотиите, истовремено одржувајќи го балансот на влажност на кожата.
• Sodium Bicarbonate, познат како сода бикарбона, е ултра-фина пудра која помага во отстранување на вишокот себум и насобраните нечистотии.
• Theobroma Cacao Extract, екстракт од какао, ја тонизира и ја регенерира кожата.

Начин на употреба: Нанесете соодветна количина на производот на влажни дланки и тријте за да создадете богата пена. Нежно масирајте го лицето со пената, а потоа темелно исплакнете со млака вода. Користете го наутро и навечер како прв чекор од рутината.

SKIN1004 Madagascar Centella Light Cleansing Oil е ултра-лесно, мултифункционално масло за чистење кое е првиот и најважен чекор во вашата вечерна рутина за нега. Овој корејски чистач на база на масло е формулиран да ги раствори и темелно да ги отстрани сите нечистотии растворливи во масло, како шминката, водоотпорниот крем за сонце, вишокот себум и загадувачите, без да ја исуши кожата.

Содржи екстракт од мадагаскарска Centella Asiatica во комбинација со неколку природни масла. Овие состојки обезбедуваат освежителен и смирувачки финиш, а истовремено делуваат некомедогено и помагаат во отстранувањето на себумот за спречување на затнати пори. Неговата лесна текстура го прави идеален дури и за оние кои првпат користат маслен чистач, без да предизвика иритација на очите. Затоа може да се користи за отстранување на шминка од шчите, бидејќи н предизвикува иритација и црвенило на очите.

Мадагаскарската Centella asiatica се разликува од другите видови Centella поради уникатната средина во која расте. Климата и почвата на Мадагаскар придонесуваат таа да има многу поголема концентрација на активни состојки во споредба со останатите видови на Centella asiatica, што ја прави поефикасна во смирувањето на кожата и намалувањето на воспаленијата.

Овој SKIN1004 маслен чистач е совршен за сите типови кожа, вклучувајќи ги нормална, сува и чувствителна кожа. Наменет е за секој што сака ефикасен маслен чистач или практикува двојно чистење и бара нежен, но ефикасен производ кој ја смирува кожата, ја хидрира и ја остава свежа, со чисти и стеснети пори.

Клучни придобивки:

• Темелно ги отстранува шминката, кремот за сонце и себумот.
• Некомедогена формула која спречува затнување на порите.
• Смирувачко и хидратантно дејство благодарение на Centella Asiatica.
• Лесна текстура која лесно се емулгира и не остава мрсни остатоци.
• Идеален прв чекор за ефикасно двојно чистење.

Клучни состојки:

• Centella Asiatica Extract е екстракт од центела од Мадагаскар, кој ја смирува кожата, ја хидрира и ја штити од иритација.
• Содржи шест видови на растителни масла кои нежно ја чистат кожата, ја хранат и обезбедуваат освежителен финиш.
• Citrus Aurantium Bergamia (Bergamot) Fruit Oil е масло од бергамот кое дава природен мирис и има својства за прочистување на кожата.

Начин на употреба: Нанесете умерена количина од маслото на суви раце. Масирајте го маслото на суво лице со нежни кружни движења за да ги растворите шминката и нечистотиите. Потоа намокрете ги рацете, додадете малку вода на лицето и продолжете со масажата, при што маслото ќе се емулгира и ќе стане млечно. На крајот, темелно исплакнете го лицето со млака вода. Доколку практикувате двојно чистење (се препорачува кај комбинираната и мрсна кожа по чистењето со маслен чистач) продолжете со втор чекор на чистење со пенливо средство на база на вода (како SKIN1004 Madagascar Centella Ampoule Foam).